好玩輕鐵遊 ‧ 迷你「挪亞方舟」+石灘尋蜆

好玩輕鐵遊 ‧ 迷你「挪亞方舟」+石灘尋蜆

今次剩係坐住架輕鐵,就帶住我哋一家去咗好多個地方, 先到老鼠洲兒童遊樂場, 然後屯門碼頭, 再行過蝴蠂灣泳灘, 最後到湖山單車公園同屯門交通安全城, 好充實!

周末好去處 : 親子輕鐵遊

周末好去處 : 迷你「挪亞方舟」

周末好去處 : 挪亞方舟造型遊樂設施

周末好去處 : 挪亞方舟造型遊樂設施

周末好去處 : 老鼠洲兒童遊樂場

周末好去處 : 蝴蝶灣公園石灘

周末好去處 : 親子石灘尋硯


我哋先在水邊圍輕鐵站起步 Hysan同芊芊輪流踩住scooter行去輕鐵站, 乘搭614往屯門碼頭方向, 其實連坐輕鐵小朋友都當係景點之一, 搭咗差唔多15-20分鐘到就到咗兆麟站啦在兆麟站落車之後, 沿行人天橋行過對面, 向前行2分鐘就見到老鼠洲兒童遊樂場!

公園唔算大, 但係最特別係架船造型既遊玩設施! 企喺船頭影相既時侯其實都幾似係去咗挪亞方舟架!

裡面設施以外的地方都幾好走, 唔會話太驚小朋友撞到, 呢度既設施都比一般公園較為特別, 剩係講爬嚟爬去既設施都好唔同!裡面有兩個大木桶造型既地方(好似叮噹既大水管咁), 用嚟玩”躲貓貓”(捉衣因)都幾正! 呀妹周圍行玩暈咁多樣嘢!哥哥行咗去船邊落唔番嚟….

我哋玩完之後跟住都差唔多兩點, 哥哥突然話好肚痛, 突然之間我都唔知去邊度搵厠所咁啱聽到人講話呢度有大快活, 所以我哋就一齊入去屋苑內的大快活, 順便食下午茶! 俾小朋友去吓厠所嘆吓冷氣!

跟住我哋就行番出去兆麟站搭614, 本來打算先去湖山公園然後去屯門碼頭睇日落, 但係侄仔係飛機迷, 想即刻去睇飛機降落, 所以我改咗先去屯門碼頭,我哋沿住碼頭一路行,去到蝴蝶灣公園,見到有個石灘, 好多人喺度掘蜆, 我哋就走埋去睇! 不過始終都唔夠貝澳個D專掘蜆的地方, 有D污糟, 所以我哋望吓就走!

跟住前面有個用好多大石頭堆砌的路, 我同Hysan就試吓行過去, 咁又可以當係一個遊玩景點喇! 行起上嚟都幾遠架, 不過佢慢慢行都行到過去! 如果落雨天就唔好啦, 會容易跣親!

呀劍評分: 8分
呀劍評語: 每一個地點唔算係D咩好特別既地方, 但係用輕鐵將每一個地方串連埋一齊! 就覺得好完整好特別! 除咗在每個地方玩之外, 坐輕鐵都變咗係其中一個玩點!

♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠
地址:
老鼠洲兒童遊樂場
屯門鄉事會路與海榮路交界 輕鐵兆麟站或三聖站步行若5分鐘
屯門碼頭
蝴蝶灣東面、海翠花園對出
湖山遊樂場/單車公園
屯門湖山路
輕鐵兆禧站步行若10分鐘
2463 7597

About author

呀劍萬帥 Kimfamilytravel
呀劍萬帥 Kimfamilytravel 7 posts

常聽說朋友跟子女在假期出國旅遊而不留港,其實香港都有許多適合一家大細的地方遊玩,不如參考【呀劍萬帥】打造你跟小朋友的一個親子旅程! 我不是甚麼旅遊達人,寫的也不夠全面,只希望跟大家分享一點點心得!Instagram: kimfamilytravel / www.facebook.com/kimfamilytravel

You might also like

親子好去處

黃埔新天地【你相SUMMER SHARE】潮玩放閃Share不停!

3D打印.動影.高速快拍         今個暑假,黃埔新天地將於8月5日至8月20日期間之週六日帶來【你相SUMMER SHARE】放閃瘋潮,讓喜愛開心Share的大人細路,打破單調沉悶自拍界限,跳入你「相」攝影世界,攝製專屬自己的3D迷你人像,走入高速連環動拍館,潮玩全城最Hit放閃玩意!​

親子好去處

一家大細去T • PARK‧學「轉廢為能」+ 浸Spa

在屯門稔灣的T • PARK [源 • 區] ,呀劍已到訪過兩次,大家可以參考一下我的全攻略,可以喺度玩得更盡興!T • PARK位於屯門龍鼓灘再入D稔灣路的污泥處理廠(其實同下白泥一河之隔),

親子好去處

秋高氣爽!去農場包餃子‧整茶果‧ 學拔草

難得秋涼處處,約埋一班朋友仔去下農場玩,俾小朋友過下田園生活,好正!之前已跟農莊負責人溝通過,包午餐之餘亦會安排一D好玩又有意思嘅農家活動,小朋友一定盡興呀!