大人細路忘形‧珀麗灣捉蟹奇趣

一到夏天就令我聯想起去珀麗灣haha!!因為一個沙灘已經可以讓我2隻馬騮仔玩足一日。以前住荃灣，在荃灣碼頭已經有渡輪直達，非常方便！我們通常會約埋一班朋友仔去玩,，每次一落船, 成班騮仔就超超開心！睇相就知haha~~

沿著大路行，依指示牌就好容易去到沙灘，一踏入沙灘，大家即時換好裝備，就開始失控啦~~連大人都玩到好興奮咁，可想而知有幾好玩!重要是這裡的沙粒好幼細，非常適合小朋友玩，唔怕刮到手，爸媽自然放心得多；)

除了一個靚沙灘外，在沙灘右邊的石灘仲有蟹仔捉，有2位爸爸見難得可以”重拾童真”、不知不覺玩得非常忘我，結果連個仔去咗邊都唔知………haha!!!大家都咁投入玩，下次一定要再來！

 一家備忘: 
1.因為玩沙，我通常都會帶地墊及為小朋友預備一件長袖防曬衣；
2.玩沙的話，就一定要帶備支爽身粉，因為塗上爽身粉之後，就好容易去掉沙粒；
3.珀麗灣碼頭附近有幾間食店，可以在這裡吃飽飽才去玩沙；亦可以帶三文治在沙灘上野餐都得，別有風味。
4.有次在復活節時去珀麗灣，便預先準備好一些扭蛋，再在沙灘劃一個範圍，將扭蛋藏在沙裡面，請小朋友玩掘蛋遊戲！  

♥Angel媽媽

交通：
荃灣碼頭去泊麗灣 http://www.pitcl.com.hk/chi/html/ferry.htm
荃灣/青衣/葵芳都有巴士 http://www.pitcl.com.hk/chi/html/bus.htm