Lego新玩法 ‧ 畫人頭畫
LEGO 一向是創意玩具的代表，據估計六塊八塊長方體LEGO積木，就可以砌出102,981,500多款組合，難怪大人細路都玩到樂此不疲！不過外國有位小朋友就搞搞新意思，利用LEGO人型公仔頭加畫筆，根據LEGO公仔頭的樣貌表情畫上趣怪身體、手腳或是裝備，一幅立體、充滿動感的LEGO佳作就誕生啦！非常鬼馬得意！！還可以加入對白，加多幾個角色，就可以變成趣味故事！HAHAA~ 簡簡單單就可以樂上半天了，放假時同小朋友一齊創作獨一無二的LEGO畫作吧！
About author
You might also like
加拿大流動「圖書艙」‧ 小朋友自由「打書釘」
流動圖書車大家可能見得多，為鼓勵多閱讀，加拿大多倫多市最近新設了流動「圖書艙」。位於紐馬克特鎮中央廣場，擺放了一個高１０呎、闊８呎的「大木箱」，兩邊門打開外型就像一本翻開的圖書，中間擺放了各式各樣的圖書，任何人都可以隨意翻閱，甚至是取走，同時也可以獻出自己的圖書，讓其他人借閱。
小朋友「閱讀繩網」．瞓身「嘆」圖書
要小朋友坐定定睇書唔容易，用得多3C產品又怕影響健康，如果可以坐在「繩網」上彈下彈下睇書應該好過癮！擅於設計兒童創意產品的西班牙PlayOffice，就設計出可以安置在家中（地方夠大的話）、書局、圖書館的好玩「閱讀繩網」，小朋友可以「瞓身」睇書勁舒服！
