小朋友玩得興奮：恐龍遊樂場

「公園就去得多，不外乎sir滑梯打韆鞦！但係大家又知唔知原來康文署轄下嘅遊樂場都可以有主題，今次為大家介紹一個以恐龍化石為主題的遊樂場」，好正架！

沿住彩虹A出口後山樓梯行上去10-15分鐘就到「坪石遊樂場」，呢度除咗有兒童遊樂場，仲有網球場，足球場同藍球場！周圍都有恐龍嘅裝飾， 連每條柱都油上紅蕃圖案，一大條恐龍瞓咗喺度，呢個都算係遊樂場嘅景點之一！

山洞裡面都唔係求求其其喎！連石牆上面都有恐龍化石嘅石紋！

就係呢個小小升降台啦，個升降台會自動升到上層，，然後小朋友可以企上去，按住小朋友嘅體重有唔同速度下降。

甘大粒恐龍蛋！仲有咁大隻蚌…好多粒珠.……



之後同佢哋中場休息， 上咗去散步行吓去吓洗手間飲吓水.……原來上面有咁多恐龍牙！定係角？

Sir滑梯呢度有條吊橋，哥哥喺度un un un整啲恐佈聲嚇阿妹！攪到阿妹又喊啦！

然後發現旁邊有個超大嘅鑊成個人造衞星咁！在大鑊嘅中央有一個簡單嘅圖示， 原來鑊有兩邊，彼此對住。只要向其中一邊細細聲講嘢， 對面的鑊會聽到對方把聲， 真係好神奇，隔咁遠都可以聽到把聲！

最後可沿路落番去， 10分鐘路程便到彩虹港鐵站A出口，呢度實在係一個世外桃源，值得再嚟！

♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥ ♥♥♥ 
坪石遊樂場
坪石遊樂場佔地約3公頃，場內設有多種康樂設施，包括籃球場、七人足球場、網球場、緩跑徑及兒童遊樂場等。其中兒童遊樂場的設計以遠古恐龍時代為主題，配合仿古化石與圖騰裝飾，使兒童仿如置身於「恐龍歷險世界」，坪石遊樂場設有三個主要出入口，分別可從坪石邨、彩雲邨及彩德邨進入。

地址：九龍平山彩石里
交通：港鐵彩虹站步行約7分鐘
開放時間：每日上午6時至晚上11時
電話：2324 4302