Mark 好日子‧免費玩「歷奇公園」

Mark 好日子‧免費玩「歷奇公園」

同哥哥上完畫班之後差唔多3點幾,就揀咗個容易去又短線既節目,就係「歷奇公園」喇!!!我哋約埋媽咪同芊芊喺元朗廣場等,然後一齊搭輕鐵615喺龍門站落車。「歷奇公園」定期每個月有一天星期日都會有免費攀牆體驗(記住要打電話去問一問先,因為每個月都唔同日期及時間),今日就只開放下午3至6點,如果平日嚟的話要收費,同埋一定要帶埋有牌教練先可以玩!
Mark 好日子‧免費玩「歷奇公園」
在龍門站落車後過馬路去對面就已經見到入口了,沿路一直向上行,從遠處見到攀石牆,而且周圍仲有其他唔同既康樂設施。首先要在攀石牆外的涼亭向工作人員取票,然後入去排隊玩,現場唔算多人,但係因為要配戴安全帶比較費時,所以都要排一段時間先有得玩。
Mark 好日子‧免費玩「歷奇公園」
現場有兩個專業教練喺度,一位幫大家著上安全帶,另一位負責Hold住參加者拉住佢哋。入到去已經見到其他小朋友玩緊,見到佢哋爬到好高,心裡諗唔知Hysan可以爬到幾高呢?上網見到應該有個鐘喺最上面,俾參加者爬到最高可以搖個鐘,以示成功!!但係今日個鐘唔見咗!!!
Mark 好日子‧免費玩「歷奇公園」
媽咪幫手一路排住隊,我就同芊芊哥哥去附近的康樂設施玩。本來呢度出名仲有個繩網陣,但係因為職員話維修緊,所以今次嚟冇得玩有D失望。
Mark 好日子‧免費玩「歷奇公園」
Mark 好日子‧免費玩「歷奇公園」
不過行遠小小見到有個小小的嘉年華,有4個小遊戲,基本上你肯玩職員都會俾你印仔,玩齊4個遊戲就可以去換禮物啦!
Mark 好日子‧免費玩「歷奇公園」
Mark 好日子‧免費玩「歷奇公園」
突然收到媽咪個電話,終於輪到Hysan,我哋上番去準備先!教練幫Hysan戴上安全帶,Hysan有少少緊張,但係佢由頭到尾都冇話唔敢玩,已經大膽咗好多!
Mark 好日子‧免費玩「歷奇公園」
Hysan一次又一次既經歷,以前每次未玩就話驚,但慢慢當佢發現原來自己係可以克服,而且又發覺好好玩,所以依家再遇到任何活動,佢都冇再話驚喇!而每次見佢谷住啖氣喺個口,就證明佢好緊張!,哈哈……
Mark 好日子‧免費玩「歷奇公園」
妹妹係另一邊又試吓玩先,芊芊都爬到幾高喎,高到媽咪就嚟都扶唔到佢啦….太高啦要落番嚟啦…好危險噢!
Mark 好日子‧免費玩「歷奇公園」
最後我哋臨走前,俾佢哋兩個小朋友喺度玩多陣,芊芊第一次玩仲話好驚要我扶住,依家玩唔駛人扶,所以大大聲叫媽咪:「你睇吓芊芊」;跟住哥哥又走埋嚟玩!!希望你哋兩個將來更放膽去歷奇啦!(好老土的Ending…..)最後差唔多6:00就離開去搵嘢食lu!
Mark 好日子‧免費玩「歷奇公園」
♠♠♠ ♠♠♠ ♠♠♠ ♠♠♠ ♠♠♠ ♠♠♠ ♠♠♠ ♠♠♠ ♠♠♠ ♠♠♠ ♠♠♠ ♠♠♠ ♠♠♠ ♠♠♠ ♠♠♠
呀劍評分: 8分
呀劍評語: 一個唔係太出名既公園, 但係裡面有足夠的設施及Canteen可以讓一家人玩一個下午,大家記住去之前打電話去問一問該月份那個星期日有免費活動, 其實附近還有射箭場, 哥爾夫球, 賽馬會騎術學校…每個星期日去一個地方都可玩足成個月!

「歷奇公園」 簡介:
歷奇公園內的設施包括一道闊六米、高九米及建有懸垂面的攀登牆,上下兩層共十五關及離地達七米的繩網陣(現在暫時關閉),和其他的兒童遊樂場設施。
址:www.lcsd.gov.hk
電話:2466 2600
地址:新界屯門龍門路屯門康樂體育中心 
開放時間:每日上午八時至下午六時。(註:兒童遊樂場及其他休憩設施於上午七時至下午六時開放)

About author

呀劍萬帥 Kimfamilytravel
呀劍萬帥 Kimfamilytravel 7 posts

常聽說朋友跟子女在假期出國旅遊而不留港,其實香港都有許多適合一家大細的地方遊玩,不如參考【呀劍萬帥】打造你跟小朋友的一個親子旅程! 我不是甚麼旅遊達人,寫的也不夠全面,只希望跟大家分享一點點心得!Instagram: kimfamilytravel / www.facebook.com/kimfamilytravel

You might also like

親子好去處

傳統與潮流Crossover市集 -「世代同撈@Mart Box」 【6月28日至7月2日】

維護傳統還是順應潮流一直都有各自的追隨者,但有否想過傳統與潮流其實都可以「撈」得好和諧,將這元素注入舊傳統與新潮流內,演化成創新面貌,讓各行各業一起更「襟撈」,越做越長久!今個盛夏6月28日至7月2日期間, PMQ元創方及活動策劃公司FEED舉辦一個跨世代合作的Crossover市集 –「世代同撈@Mart Box」,活動集結了約30個攤檔提供衣、食、住、行元素,以傳統和創新撈出意想不到的共融花火,齊齊放眼看香港的「襟撈」精神,並向默默推動香港發展的傳統品牌致敬!

親子好去處

「科學嘉年華」與子女一同探索科學共渡母親節【5月14日】

複雜的科學概念,透過互動形式也可以變得有趣易懂。香港青年協會創新科學中心將於母親節於5月14日,假鑽石山荷里活廣場再次舉辦「科學嘉年華」,設有多項適合親子參與之特色活動,包括「母親節電子卡製作」、「4D Frame 創作體驗閣」、「互動科學攤位」、「科學工作坊」、「親子數碼星空之旅」及「奇妙科學劇場」等。

親子好去處

5個小朋友Happy去宿營

我地由太古出發,坐地鐡去坑口,再坐小巴去西貢,去到西貢仲要轉多一次小巴入北潭涌,都差不多要坐1.5小時車,如果自己有車,BOOK宿營是有得免費泊車!今次約埋小銀一家,佢地就是住4人房啦,啲床大少少!4個小朋友真係好熱鬧!一齊唱 “5 Little Monkeys  Jumping on the bed”!