5個小朋友Happy去宿營

我地由太古出發,坐地鐡去坑口,再坐小巴去西貢,去到西貢仲要轉多一次小巴入北潭涌,都差不多要坐1.5小時車,如果自己有車,BOOK宿營是有得免費泊車!今次約埋小銀一家,佢地就是住4人房啦,啲床大少少!4個小朋友真係好熱鬧!一齊唱 “5 Little Monkeys  Jumping on the bed”!
周末好去處 : 保良局北潭涌渡假營
Settle down 就換泳衣游水啦!今次 book「保良局北潭涌渡假營」都是睇中個游泳池 (5月至 10月開放)。影呢幅相之前,我同阿旺講,記得收腹,我要 post上 blog架!我自己…就 “呢” 喺小丸子後面…hehehehe…諗返都好笑!
周末好去處 : 北潭涌渡假營游泳池
游完水,我地都開始 BBQ啦!大頭妹拎住個電筒四圍 “探險”!HAHAHAHAH…佢地喺度講咩呢?!唔通講 “鬼故” !小朋友一邊玩,我地大人就 BBQ!呢度的燒烤包都 OK,好味過鯉魚門渡假村!如果 10個大人,都唔駛order 10份,我地最後食咗 6份咋!可能又因為燒到一半落大雨啦!
周末好去處 : 北潭涌渡假營燒烤場
周末好去處 : 北潭涌渡假營玩水上單車

真是天公不做美,第一日 bbq 到一半就開始落雨 (如果 bbq前落,其實佢地有個有蓋的停車場area可以bbq),第2朝起身,仍然落雨!好失望呢?!不過對小朋友嚟講,其實佢地都無咩所謂,只要同爸爸媽媽一齊,又有朋友仔一齊,就一樣好開心!

落少少雨唔影響小朋友心情啦不過之後…好大雨…都無影響佢地心情…whahaha…真係要學下小朋友!hehehe…我地好堅持,好大雨都仲同 2個囡去玩水上單車,玩咗 2個圈,當玩過就算,都係拿拿聲上水,返房換衫!一陣冷親 2個囡就慘啦!

玩唔到戶外活動,好彩都仲有好多啱小朋友玩的戶內活動!好似羽毛球﹑乒乓球﹑彈床﹑小手工!其他大人去打羽毛球,我就同大頭妹同小丸子去做小手工,連小丸子都啱玩才$20買一個樽就可以玩啦!大頭妹呢幅畫就$10,仲可以玩好耐,真係抵玩!
周末好去處 : 北潭涌渡假營室內手工班周末好去處 : 北潭涌渡假營室內活動室
周末好去處 : 北潭涌渡假營美味套餐公園濕咗…無得玩啦!我地之後 book咗打乒乓球!婆婆打得叻過我,仲笑我,話未見過人企係度打波,郁都唔郁!打咗一陣又同小朋友玩下!行平衡木!唔知點解大頭妹好記得,之後返屋企畫畫,佢都畫咗平衡木!小丸子好大膽,次次行到最尾就跳落嚟!之後扮火車…

開心的時間過得特別快!好快就到食 lunch時間啦!我訂了 $400/ 10位的套餐,平常的是 $30/位的,所以會豐富少少,有雞有魚!好似仲有 1-2個再豪華啲,亦有素菜可以選擇!京都骨,好好味,尤其啱小朋友的口味!

5個小朋友來個大合照!我地大人唔記得咗一齊影返幅相呀!

傻夫婦﹑大頭妹與小丸子
http://athena-joe.blogspot.hk

 一家備忘  周末好去處 : 保良局北潭涌渡假營
1. 不同機構的營地,訂營都有不同的規則,好似保良局的營地,可以訂 1年內的日子,所以如果一早有計畫就最好早少少訂,一般週末的都要半年前預訂。政府康文處的營地,是訂30日以內的,想訂邊日,30日前訂就可以了。
2. 記得要留意每樣設施 /活動的開放時間,有些活動可能要預先預訂,另外就是冷氣開放的月份!
3. 一般營地都有小食部,所以零食小食可以唔洗帶太多。反而可以帶多幾套衫褲去替換,小朋友係郊外跑跑跳跳,加上預測不到的天氣,帶多幾套衫是必要呢!
 
 保良局北潭涌渡假營‧交通 
巴士:乘搭九巴92號由鑽石山方向入西貢;299X號由沙田方向入西貢,再轉乘九巴94號由西貢巴士總站至北潭涌站營地門前下車。假日可於鑽石山乘搭九巴96R號。
專線小巴:乘搭1A號西貢專線小巴由彩虹方向入西貢,再轉乘9號專線小巴,途經營地門前下車。周末好去處 : 保良局北潭涌渡假營
新界的士;西貢市到北潭涌營 (車資約$50~)
*本營可提供免費私家車車位,但須預先申請。
查詢:2277 8888
詳情:按此

About author

You might also like

親子好去處

向辛勞母親致敬「經典古着圍裙珍藏展」【4月28日至5月14日】

展出澳洲古着圍裙收藏家Morgan Wills  60件歷代圍裙珍品  收藏家親臨預覽  分享收藏心得並示範經典圍裙刺繡技巧 圍裙令人聯想起母親,除了是工作服的一種外,更見證着服裝設計的潮流轉變。今個母親節,始創中心將以「古着圍裙」為主題,邀得澳洲「巴拉瑞特圍裙節」 (Ballarat Apron Festival ) 創辦人之一、澳洲著名古着圍裙收藏家Morgan Wills展出其珍藏,於4月28日至5月14日期間舉辦「經典古着圍裙珍藏展」,展出60件於20年代至60年代生產的古着圍裙珍藏,藉此向營役辛勤的母親致敬。

親子好去處

夏日濕身抱抱海洋館

最近發現了一個另類遊戲室–抱抱海洋館, 父想母們如果想跟孩子一起捉住暑假的尾巴, 就快點來抱抱泡泡, 小心玩到唔捨得走呀!

親子好去處

復活節IN OUT 親子遊樂

春暖花開,太陽照耀大地,伴隨微風吹拂,令人心曠神怡。適逢復活節連假五日,當然要好好把握,到戶外郊遊玩樂,與太陽伯伯瘋狂玩樂一番!Peegaboo已為大家安排了3條遊玩路線,一天之內有齊室內(In)室外(out)好玩景點,一家大細實行IN OUT玩到盡哈哈!!!