Wewe嘩嘩!大尾篤掘蜆之旅

Wewe嘩嘩!大尾篤掘蜆之旅

週末當然要搵下同學仔去”反”下, 但是無眾男兵同行,只有我們這班娘子軍帶住幾隻馬騮仔,可以去邊?當然要搵個近近地的地方,家住大埔,最近就去大尾篤掘下蜆la!

周末好去處 : 大尾篤掘蜆We嘩之旅 !早一晚兩隻馬騮仔已經好興奮,執定所有用具等去玩哈哈!當日約了同學仔11點在大埔墟火車站等,之後就坐小巴,十多分鐘就到。一班同學仔一上到車就雞啄唔斷,我相信個司機是好想趕班細路落車~~ haha~~~ 到達後,先醫下個肚仔先~ 

可能人多夠開心,班細路突然間飯量增多,連食幾碗………食飽飽後,原以為潮水未退,因為當日看潮退是3點半,本想在附近行下才去掘蜆,怎知兩點左右已見到有人掘緊蜆,班細路當然即時走去玩la!
周末好去處 : 大尾篤一日遊!
除了掘蜆,小朋友還找來蟹仔、魚仔及貝殼,好開心啊!
周末好去處 : 一家大細去大尾篤掘下蟹仔, 魚仔同貝殼啦 !
周末好去處 : 大尾篤掘蜆, 收獲好豐富呀
玩到四點左右, 個個都變曬濕水鴨仔,要走啦,但班細路玩到唔肯走,我們一邊執拾,班細路就一邊繼續發掘他們的寶貝,我囡囡還拾來好多石頭……我就要偷偷咁放低哈哈!小朋友當然玩得開心la,最重要還是有收獲,好滿足!離開前我們在燒烤場那邊清洗一下, 歎下支雪條~ ~正!Angel媽媽

周末好去處 : 大尾篤掘蜆, 辛苦左一日, 梗係要嘆下雪條啦

♥備住

1. 可以留意天文台公佈的潮退情況 http://www.hko.gov.hk/tide/cstation_select.htm
2. 在附近燒烤場的檔仔有掘蜆工具賣,釣魚用品、雪糕,、冷菠蘿等都有。
3. 燒烤場附近有公廁,都幾”企理”。
4. 最好著短褲及水鞋/洞洞鞋。
5. 要留意是石灘,提醒小朋友用工具去掘,盡量不要用手及赤腳,否則容易被刮損。

 
♥交通

#  在大埔墟火車站外新達廣場附近的巴士總站,可乘坐九巴75K 或 275R號線(假日)在大尾篤總站(水上活動中心旁 )下車,車程約30分鐘。
# 20C專線小巴(約15分鐘),同樣在大尾篤總站下車。

About author

You might also like

親子好去處

去坑口→避暑「兒童遊戲室」‧ 玩埋「親子緩步跑」

在陽光曬得正盛的時候,帶小朋友去室內遊樂場玩也是good idea!今日我哋就嚟到坑口體育館嘅兒童遊戲室玩!香港康文署喺每區甚至長洲都有兒童遊戲室,但係好玩又企理嘅唔算好多!我哋搭地鐵嚟到坑口站B出口

親子好去處

最齊!全港親子農莊‧隨時check

平日生活忙碌,難得週末及假期,一家大細當然要走出去擁抱下大自然啊!在大自然四圍探索,跑跑跳跳流一身熱汗,跟爸爸媽媽玩過痛快笑聲震天,這才是真正的童年嘛!親子關係也會跨進一大步呀!以下農莊有不同主題,有時間就逐一去探索啦!