好玩鹽田梓:漫遊紅樹林、教堂、博物館

好玩鹽田梓:漫遊紅樹林、教堂、博物館

今日我哋和澄澄嵐嵐,還有婆婆姨媽表姨媽,以及只有歲幾的表哥寶寶一齊去西貢鹽田梓,我地先去西貢meet up,途中澄澄一路唱歌,唱英文歌 (屋企都冇聽過佢唱-_-)隨著澄澄ge歌聲越來越響亮,我地就到達西貢嚕!一行八人即刻去碼頭搭船仔(街渡)~~出發!

落船後就行去附近ge博物館,入面有好多古物,例如古代ge枱枱櫈櫈和銅鐘等等。澄澄一入到去就朝著個銅鐘方向行,更拎住支棍扮敲!後來還捉著妹妹嵐嵐隻手,叫嵐嵐一齊試下敲個鐘!望住兩個小豆丁企喺個鐘隔離,佢哋顯得更加細粒,好搞笑!

周末好去處 : 西貢鹽田梓親子遊周末好去處 : 西貢鹽田梓教堂
 之後當然要參觀博物館隔離ge天主教教堂,第一次入教堂,一入到去,澄澄嵐嵐好驚訝咁~~原來係因為眼前好大好大ge耶穌像!佢哋好靜,冇周圍跑,說話仲細細聲,互相shhhhh對方。那刻我同爸爸先發覺,雖然小朋友最大的都只有3歲,但原來都會知道在某些場合要安靜D 。後來澄澄不斷嘗試行去些「不准進入」ge地方,好好奇咁,但始終out of boundary,所以我和爸爸都跟澄澄解釋,無問題嚕!

離開教堂之後就繼續前行,大概半個鐘,終於到達第一個涼亭啦!行左咁耐,大家都有d攰,所以我地就順道抖下,也順便食個lunch,,雖然只得水果及少少乾糧~哈哈~幸好我家女兒一d都唔嫌棄,食到lam哂脷!食完後體力回歸,當然要好好欣賞+探索附近ge環境啦!涼亭旁邊ge樹有唔少莓和野果,望遠少少仲會見到到滘西洲高爾夫球場…條邊>< 哈哈!!
周末好去處 : 親子遊西貢鹽田梓, 走一走, 抖一抖
 我地當然不甘心只望到條邊啦,所以就繼續向上行,大約10分鐘左右,就行到第二個涼亭。呢個涼亭比之前的更大風景更靚。重點是呢處望到全個滘西洲高爾夫球場!!!全景同得條邊確差好遠!!澄澄嵐嵐同表哥寶寶齊齊指住個方向「哇」,澄澄不斷跳跳紮,嵐嵐寶寶就「哈哈」笑!哈哈~~地繼續向紅樹林方向行嚕。
周末好去處 : 西貢鹽田梓, 盡覽滘西洲高爾夫球場境致
 途中經過一條壩,個海一望無際,天海一色。我同爸爸都忍不住「哇」一聲,深呼吸這份難得的清新空氣,加上天氣又非常好,當時的感覺實在太幸福!之後由壩行到紅樹林不過20分鐘內,路上有條窄窄ge石屎路,兩邊就是紅樹林,所以我地跟紅樹林好接近!不過亦因為條路窄,只可以一個人通過,所以推bb車都要小心d!

過了窄路,就見到紅樹林前有個好大ge泥灘,入面有好多蟹仔、彈塗魚和魚仔!澄澄嵐嵐好快就忍唔住蹲低去睇,專心等d蟹仔在窿窿裡面爬出來,當一見到蟹仔,就會好興奮咁指比我地睇!就連表哥寶寶都話要落地一齊睇,怎知一落地就跌左一隻鞋哈哈,仲話要落水捉魚仔,雖然未識,不過用腳不停踏水都好好玩~哈哈哈!
周末好去處 : 西貢鹽田梓紅樹林, 親親蟹仔, 彈塗魚
 之後見到有個哥哥來到,結果4個小朋友好快就玩成一片!哥哥仲話泥灘入面有海星,一睇,薄薄地一片,原來係……樹上跌下來的海星狀花花,哈哈哈!!!我地幾個對望,忍唔住笑……

之後就行去碼頭方向搭番街渡離開嚕。經過間士多,就一人買一支雪條,降下溫。今次係澄澄嵐嵐第一次自己拎住枝雪條食呢^^行到碼頭等船,又踫見紅樹林那位哥哥,小朋友當然就繼續玩啦哈哈~~船到嚕!幾個小朋友一齊興興奮奮咁上船,沿途仲見到爬緊龍舟ge哥哥們,澄澄還主動伸手同佢地講byebye,咁主動,抵讚^^
周末好去處 : 西貢鹽田梓一日遊, 食番枝雪條總結下
 後記:
夜晚了,嵐嵐好快瞓著,但澄澄睇完故事書後還問我下次去邊!!哈哈……看來,小朋友ge精力體力確實唔能夠低估!我做媽媽ge……都要好好努力!

澄澄&嵐嵐媽咪

 ♠Parents Bonus:
小島主一日遊周末好去處 : 西貢鹽田梓, 小島主一日遊
活動意義:
藉著這個活動,可讓小朋友簡單接觸地圖,及有機會嘗試當一天的小領䄂,增強其主動性。
物資:
筆、島上地圖 (列印出來)
玩法:
1. 先讓小朋友做些資料搜集
2. 利用島上地圖,讓小朋友計劃參觀景點的先後次序
3. 讓小朋友(小島主)帶領家長(村民)到不同的景點, 投入角色扮演 。
4. 到達每一個景點, 請小朋友分享
5. 最後,與小朋友一起分享當天的感受

上好玩遊戲由「THE CEPT」提供http://thecept.com/

 一家備忘:
1. 全程約3小時長
2. 西貢碼頭有好多船(街渡)都去到鹽田梓(船程約15分鐘),來回大概要 $45-$50,每人加多$5-$10就可以包船!
3. 沿途都留意唔到有toilet,大家有需要可以用碼頭旁邊ge toilet
4. 因參觀教堂、博物館等是收費項目,請於出發前查詢,因須持有適合街渡的啓船票,詳情可見鹽田梓網頁http://www.yimtintsai.com/ )
5. 全程推車都不大問題,但去第一個涼亭的路段會推得比較吃力
6. 沿路有d路對小朋友來講會有d危險,爸爸媽媽手抱會比較安全
7. 碼頭附近有三間士多,大家可以買定野食,因為途中都冇補給站
8. 交通

 

 

About author

You might also like

親子好去處

秋季郊遊3大特色農莊

其實原來香港都有好多親親大自然的地方,如果覺得去主題樂園已經有點悶,不如同小朋友趁開始有點秋意,去以下為大家介紹的三個特色莊園,園區設有DIY同其他親子活動,一定可以令小孩放下Pad Pad, 不再做低頭族!

親子好去處

岩晒一家大細的展覽 – 第3屆香港玩具節【5月20至22日】

「第3屆香港玩具節」將於5月20至22日於香港灣仔「香港會議展覽中心」展覽廳5F及5G舉行,一次過為大人及小朋友實現「好抵、好玩、好睇」的3大願望!今屆更移師至「香港會議展覽中心」,場地擴展至約 80,000 呎!比上屆更大規模,內容更強!活動破天荒雲集各種不同種類的玩具,讓不同人士也能親身感受當中樂趣!多個展區包括TOMICA、TOYEAST、精英玩具、精品等均準備了多個「好抵、好玩、好睇」的驚喜,而且著數多籮籮,務求令大人小朋友都盡興而歸!

親子好去處

復活節IN OUT 親子遊樂

春暖花開,太陽照耀大地,伴隨微風吹拂,令人心曠神怡。適逢復活節連假五日,當然要好好把握,到戶外郊遊玩樂,與太陽伯伯瘋狂玩樂一番!Peegaboo已為大家安排了3條遊玩路線,一天之內有齊室內(In)室外(out)好玩景點,一家大細實行IN OUT玩到盡哈哈!!!