Peekee

BB要用學行車？正反要知！

跟據美國兒科學院 (American Academy of Pediatrics)建議，家長應盡量避免使用學行車。加拿大為全球第一個國家禁賣學行車，其政府早於2004年宣布全面禁止出售、入口和廣告宣傳嬰兒學行車。然而，BB應否用學行車作輔助，全看家長的選擇及需要。

傳統派	知識型媽媽
♠平日湊B之餘，又要做家務，很難成日抱住BB。將BB放於學行車，可以方便照顧。	♦有兒童脊科專家指出，家長應該盡量避免將孩子放在學行車，學行車座位設計會令孩子的雙腳分開，會影響盤骨發展。如果真的有需要，每次不可多於10分鐘。
♠我哋個個小時候咪又係坐學行車大，咁樣學行至掂﹗	♦嬰兒成長期間，會自然學習爬行及站立，直到身體能平衡後就會試著走路。專家提議家長只需放一張高度及腰的枱子在旁，讓嬰兒扶著試行。BB亦可抓緊矮凳子、欄杆、沙發等，或在成人輔助下學行。
♠學行車幫到細路學行學快D﹗	♦研究結果啱啱相反，通常會令細路遲學行兩至三個禮拜。
♠BB用學行車，有助鍛練腿部。雖然依家BB成日企高用腳尖行，用慣後就可以訓練整個下身的肌肉力量。	♦學行車只可強化BB小腿的肌肉，但其實BB走路時主要是運用大腿和臀部的肌肉。所以，絕對不能用作訓練行走。
♠放BB坐學行車，會減少BB直接撞到牆或家具的機會，可以保障BB的安全。	♦BB坐在學行車內，家長同樣要加緊看顧，以防學行車撞翻物件。事實上，學行車令寶寶活動範圍擴闊，更加容易接觸到不應碰的物件。
♠睇下BB幾開心，可以來去自如，唔駛俾爸媽牽制住，可增加BB學行的意慾。	♦雖然方便寶寶四處活動，卻可能令他不肯真正用腳走路，減低走路的意慾，懶於學行。