小朋友愛爭拗‧點算?

小朋友愛爭拗‧點算?

孩子聽教聽話,是為人父母者喜見的現象。無奈,有時父母原本為了孩子好處而發的指令,卻被孩子多番辯駁,兼且多著眼於無關重要的細節。遇到以下情境,你會有相似的反應嗎?

 情境一 
媽﹕「你仲有五個詞語,快啲寫埋佢!」
仔﹕「我枝鉛筆好掘,寫唔到」
媽﹕「點會呀,求先啱啱先刨過」
仔﹕「都話好掘囉!唔信你自己睇吓嘞」(開始提高聲浪)
媽﹕「邊係呢,咪幾好」
仔﹕「總之就寫唔到啦!我要我枝鉛芯筆」(忟憎及語氣差)
媽﹕「好啦好啦,怕你啦,嗱,攞去嘞」
仔﹕「搞錯呀!唔係呢枝喎!我要新買果枝呀!!!」……(大吵大鬧)

 情境二 
囡﹕「媽咪!我啲新衫喺邊呀?」
媽﹕「喺衣櫃囉,不過今日好凍,著唔到喎」
囡﹕「吓?你又話買俾我假期著既?」(很不耐煩)
媽﹕「但係今日突然轉涼,啲新衫太薄,唔可以著呀」
囡﹕「你之前都冇話要暖先著得!乜你咁架,講野唔算數」(語調強硬,語帶控訴)
媽﹕「咁我唔知天氣會突然轉變嘛,你咁著會凍親架」(有些歉意也怕女兒失望)
囡﹕「你琴日冇睇天氣報告咩?!今日先知轉冷?我唔信囉……」(粗聲粗氣,無理取鬧)

若孩子與父母的關係本來不太親密,再加上當時不願遵從父母的指令,他們會靈巧地創建各式各樣的 “理由”(Arguments),父母在不知不覺中被捲入跟孩子爭拗的境況中。有時父母以為事事遷就孩子的意見,就等於愛孩子;更多時候,父母持 “唔輸得,一定要拗贏”的心態,不自覺地掉進了互相責罵的旋渦中!

其實,愈跟孩子對質或辯駁,父母的權威就愈被削弱,孩子亦更容易以為可以繼續挑戰父母的指令與權威!

 再遇以上情況,可試試以下回應 

# 乖乖,詞語始終是要寫的!用邊枝筆寫?唔……你自己決定啦!我只想見到你快些完成功課,我地一齊落去買雪糕呀!
# 係囉!買左新衫又無得著,激死人呀!
# 如果你仍想著件新衫,就帶埋件褸同頸巾啦,OK?

About author

陳子平
陳子平 6 posts

「心理坊」創辦人及服務總監、臨床心理學家。 先後任職於香港政府衛生署及聖公會小學輔導服務處,繼而私人執業十多年。對於兒童及青少年之情緒行為問題並親子關係的課題尤有心得;亦為大學及神學研究院客席教授,更經常接受學校、機構及教會團體邀請負責家長親職教育講座及工作坊。 www.thecenterpsy.com

You might also like

Trouble Kids

孩子亂發脾氣!

面對別人的發脾氣令我們覺得煩、忟憎和怕,父母對著小孩子的亂發脾氣更可能會覺得丟臉、心急和沮喪。 ♠ 小明在茶樓不肯吃東西,一味要落地和姐姐玩「捉伊人」,「唔准!危險呀……人地會撞到你!」小明於是嚎啕大哭,將杯碟筷子茶杯連水全掃落地。

Trouble Kids

唔輸得,一輸就喊

從幼稚園開始,小朋友慢慢學會玩有規則的遊戲,從簡單的「過三關」到各類型棋子、以致「大富翁」等硬紙板遊戲,都是親子的好活動,也是一群小朋友聚會時(除打機之外)的玩意兒。

Trouble Kids

小朋友鬧蹩扭就像青少年失戀

前陣子,幾個家庭一起帶著小朋友們外遊。幾個家庭的小朋友們共同進退幾天,結果是,大人們經常都因為一個問題而頭痛:A要和B坐,但是C又要和B坐,而B不能獨自吃飯,所以其中一邊必須有一位大人,怎辦?公車上只有兩個位,A和B坐,C就不能和B坐,小朋友隨時因為這樣在公車上放聲大哭。