親子玩轉「傳統圍村工作坊」

親子玩轉「傳統圍村工作坊」

大自然之行從來都係呀劍一家最喜歡的活動,今次仲可以喺圍村製作傳統小食就更加開心!我哋在元朗西鐵站下底乘搭B1巴士往落馬洲,等齊人之後Mike就帶我哋入去圍村,沿途一邊講解一下圍村歷史同埋介紹植物種類,當日天氣實在太好,穿過田圍後就係民居啦,唔少房屋都已經重新起過,真正保留得番原有建築嘅我諗都係得番Mike間祖屋!
親子玩轉「傳統圍村工作坊」親子玩轉「傳統圍村工作坊」
未去到祖屋,中途遇見一個被大鐵網蓋着的水池,裡面養住幾隻大烏龜,小朋友即刻停喺度好奇地觀察龜龜一舉一動!
親子玩轉「傳統圍村工作坊」
繼續向前進發,冇幾耐就見到祖屋就係我哋今日會製作砵仔糕的地方啦!首先大家就坐定定聽Mike介紹一下圍村唔同獨特風味嘅小吃,講解完之後就拎出碗同埋材料出嚟準備製作紅豆砵仔糕啦!嘩真定假呀!D紅豆可以咁大粒嘅?
親子玩轉「傳統圍村工作坊」親子玩轉「傳統圍村工作坊」
親子玩轉「傳統圍村工作坊」親子玩轉「傳統圍村工作坊」
哥哥好似好專心咁聽緊,唔知一陣做嗰陣又會唔會雞手鴨腳。所有爸B媽Mi同埋小朋友好專心咁睇住姨姨準備做砵仔糕的漿,小朋友都話好似麥精喎。

小朋友負責幫手倒入碗中,有D唔鍾意紅豆有D鍾意加到成碗滿哂!雖然屋裡面冇冷氣,只係得把風扇(從外面拉拖板入屋),但係小朋友都投入製作砵仔糕。 Mike預備好灶頭,小朋友逐個幫忙將柴枝掉入灶裡,姨姨幫我哋將每碗砵仔糕慢慢放進鑊中蒸。望望廚房周圍,見到有火水爐呀!我記得細個嗰陣好鍾意幫媽手倒火水入去,好香會聞上癮㗎!
親子玩轉「傳統圍村工作坊」親子玩轉「傳統圍村工作坊」
當砵仔糕繼續蒸緊嘅時侯,呀Mike就帶我哋去學習打井水途中經過以前的學校,大家都同自己小朋友講「以前學校就係咁㗎啦!你睇吓你哋依家幾幸福!」其實只係時代唔同啫!反而我覺得以前嘅小朋友幸福D,雖然設備簡陋,但係讀書冇壓力,著重學習非考試。
親子玩轉「傳統圍村工作坊」親子玩轉「傳統圍村工作坊」
嚟到打井水嘅地方啦!唔知大家細個嗰陣又有冇試過打水呢?對今天嘅小朋友嚟講,都唔知咩叫地下水,只係覺得有人倒D水入去個井度同埋諗住有得玩!
親子玩轉「傳統圍村工作坊」親子玩轉「傳統圍村工作坊」
到妹妹打井水啦!Mike叔俾咗個小桶佢,起初以為芊芊實唔夠力,原來佢都好大力,所以唔好睇少小朋友,要俾佢哋多D嘗試,打完一桶水上嚟又倒番落去lu……仲有一樣好攪笑嘅事,每當小朋友打咗一桶水上嚟之後,全部小朋友就會走過去洗手(其實係玩水),對小朋友嚟講,佢哋真係玩得好開心!
親子玩轉「傳統圍村工作坊」親子玩轉「傳統圍村工作坊」
打完水又到下一個環節啦!Mike叔帶我哋去睇佢嘅小田園,呢度種咗好多植物!原來係大樹菠蘿嚟㗎,因為怕俾害蟲破壞同埋風吹雨打,所以要包住佢!芊芊摸住D果實,覺得個質感好得意,因為果實上面有D絨毛。
親子玩轉「傳統圍村工作坊」
好啦!我哋起程返去睇吓製成品啦……全部砵仔糕出爐啦!D紅豆真係好大豆呀!大人細路都食得好開心,同街外買嘅好唔同,雖然感覺有少少「鞋」,但係食完先覺得街外嗰D好膠好啫喱!
親子玩轉「傳統圍村工作坊」
食完再食,每人最少都可以分享到兩舊…之後小朋友食完就出去大空地度放電,大人留番喺屋度吹吹水,同埋繼續食砵仔糕,食到我飽哂!

最後當然要影番張大合照,短短兩個半鐘頭,大家都玩得好充實好開心我哋沿路行番出去,去番洲頭牌坊出馬路轉左,行2分鐘就會見到76K巴士站出上水,就算打的都只不過$30!
親子玩轉「傳統圍村工作坊」
呀劍評分: 9分
呀劍評語:最傳統最原始的活動我一家就最鍾意,雖然辛苦D但係都係值得,說真的,讓小朋友捱少許苦是對他們好的!而且活動也豐富不悶場有得食有得玩!

傳統圍村小食工作坊 簡介
製作傳統圍村小食是本工作坊最重要的一環, 目的是讓參加者透過親眼觀看, 親手製作, 親口品嚐來加深對小食的認識

地點:新界元朗新田洲頭村
費用及查詢:https://waichuenculture.wordpress.com/   9131 8116
交通Tips:
1.我哋在元朗西鐵站下底乘搭B1巴士往落馬洲,但係講個小貼士俾大家知,由於活動集合地點在洲頭牌坊,大家就唔好以為喺洲頭村站落車就最啱,其實要喺落馬洲轉車站(俗稱:黃巴站)落車再步行過去,大約行8分鐘就到!

2.仲有好緊要好緊要嘅係…大家等緊B1巴士嘅時侯,要留意到站的巴士是否停黃巴站,因為原來唔係架架都可以停黃巴站,正常情況下司機會放一塊牌在車頭玻璃顯示會停黃巴站,如果見唔到呢塊牌,就即係佢離開元朗YOHO之後下一個站就直接到洲頭村站,到時就真係喊!所以最好都係去到B1巴士站問一問現場巴士呀叔(職員),佢哋會好好咁解答你

3.如果自駕遊的朋友在沿路行過嚟嘅時侯就有一個小小的停車場,大家可以泊喺嗰度(但係假日都唔敢包一定有車位)

About author

呀劍萬帥 Kimfamilytravel
呀劍萬帥 Kimfamilytravel 7 posts

常聽說朋友跟子女在假期出國旅遊而不留港,其實香港都有許多適合一家大細的地方遊玩,不如參考【呀劍萬帥】打造你跟小朋友的一個親子旅程! 我不是甚麼旅遊達人,寫的也不夠全面,只希望跟大家分享一點點心得!Instagram: kimfamilytravel / www.facebook.com/kimfamilytravel

You might also like

親子好去處

親子假日好去處,滿足小孩三個願望!

新年假期又到啦!每逢新年都有好多日假放,小朋友願望又多,都唔知帶佢地去邊到玩好。今個新年有好介紹,保証小朋友樂而忘返,歡度新年!帶你嘅小朋友去香港迪士尼樂園,就可以同時滿足佢地三個願望啦!

親子好去處

領展T Town「仲夏同樂日」 以音樂連繋好生活 一起歡聚周末

  如果你平時放假多數喜歡行百貨公司的話,除了考慮旺角、尖沙咀等熱點之外,現在有另一個地區可以考慮。

親子好去處

復活節IN OUT 親子遊樂

春暖花開,太陽照耀大地,伴隨微風吹拂,令人心曠神怡。適逢復活節連假五日,當然要好好把握,到戶外郊遊玩樂,與太陽伯伯瘋狂玩樂一番!Peegaboo已為大家安排了3條遊玩路線,一天之內有齊室內(In)室外(out)好玩景點,一家大細實行IN OUT玩到盡哈哈!!!