去「玩具圖書館」‧一天”海陸”遊

難得假期天氣又凍冰冰，不想小朋友呆在家中又唔想同人逼~~最後決定約朋友仔去比較”文靜”些的地方哈哈，就是「香港中央圖書館」……… 內的玩具圖書館啦！無錯！是玩具圖書館， 2隻馬騮一聽到玩具+圖書館，當然勁開心！

這個位於香港中央圖書館2樓的玩具圖書館，是要預早七天預約，每節遊戲時間為45分鐘，適合小朋友玩的年齡是8歲以下呢！我們這班新界人，一早過港島，當是行下大運哈哈！當日我們先坐火車去紅磡再轉西鐵去到尖東站，點解會咁轉折？嘻~ 是為了帶2隻鄉下馬騮仔坐下渡輪~ 欣賞下維港的景色.。

由尖沙咀坐船去到灣仔，但灣仔又點去銅鑼灣的中央圖書館呢?登登~~ 坐叮叮~~~~鄉下馬騮仔當然又未坐過啦！只是坐這2種特別的交通工具都已經夠2個馬騮興奮wow!wow!wow!坐東行線去到維多利亞公園下車，就已經在圖書館門口落車啦，我們9點半出發,，差不多12點到達(這是我們預約的時間)。在門口排隊等入場~館內還有好多玩具借來玩的， 2隻馬騮貪玩到暈，連阿媽無跟住入圖書館也不知亦不理><

這個「玩具圖書館」每日都有不同的時間可以預約，好方便！玩完45分鐘後，未夠喉可以點~ 當然就乖乖留在2樓的兒童圖書館內看圖書，2樓全層的兒童圖書館，2隻馬騮都有排看~~小朋友叉足”圖書”電之後，我們就就坐返叮叮去灣仔食野，再坐船船去尖沙咀~ 行埋星光花園，跟”李小龍” 影幅相，圓滿地香港一天遊便完結~ 哥哥就可以開開心心返屋企做功課啦haha~~      ( ♥Angel 媽媽)

1.可預早7天前預約；若想即興去玩，其實也可踫踫運氣，因每一個時段都有後補位呢！但要留意每日只可預約一節時段；