去坑口→避暑「兒童遊戲室」‧ 玩埋「親子緩步跑」

去坑口→避暑「兒童遊戲室」‧ 玩埋「親子緩步跑」

周末好去處 : 去坑口遊樂場啦!好玩親子活動!

在陽光曬得正盛的時候,帶小朋友去室內遊樂場玩也是good idea!今日我哋就嚟到坑口體育館嘅兒童遊戲室玩!香港康文署喺每區甚至長洲都有兒童遊戲室,但係好玩又企理嘅唔算好多!我哋搭地鐵嚟到坑口站B出口,沿住培成路行到尾就會見到西貢將軍澳政府綜合大樓(其實即係坑口體育館)行入公園轉左行上樓梯就會見到兒童遊戲室啦!

周末好去處 : 可以擺放BB車

一入到去已經坐滿人,呢度設置咗一個等侯區,保安姨姨喺每一個時段開始前10分鐘就會拎住籌派俾等侯緊嘅人,若派哂,其他冇籌嘅人就要等所有持籌的家長小朋友進入遊戲室後繼續坐喺度等,只要有人中途離開就可以後補進入!喺門外面都設有一個BB車泊車區,都安排得幾細心!

周末好去處 : 兒童遊戲室環境

周末好去處 : 室內玩都要注意安全呀

周末好去處 : 遊樂場得意傳臉筒

周末好去處 : 遊樂場休憩空間

周末好去處 : 室內伏匿匿

周末好去處 : 遊樂場動物小裝飾

周末好去處 : 室內緩步跑道

我哋啱啱好係最尾兩個,但係我哋一家四口仲差2張籌先得但係其實保安姨姨唔係咁嚴格嘅!見我哋唔夠籌就話「算啦算啦,俾埋你哋入去啦」總算唔駛等多成個鐘先有得玩!

一入到去哥哥就好快除咗對鞋一支箭跑咗入去玩,裡面嘅小朋友有大有細,大嘅跑嚟跑去對較細嘅小BB都幾危險,家長要好好咁注意佢哋安全 。

呢個場有個小玩意,總共有三個,好似一條蛇蛇咁嘅形狀,起初我已為係傳聲筒!但原來係一個傳臉筒,咩叫傳臉筒?原來佢裡面安裝咗兩塊鏡片,將下面小朋友的頭影像投射到鏡片再折射到上層鏡子,所以另一邊嘅小朋友可以睇住在下面小朋友的樣子!真係好攪笑,個身喺下面,但係由個鏡望入去見到個頭喺上面…..

場裡面都幾乾淨,因為每一節完之後都有姐姐清潔不過有少少位置都較污糟,大家都要留意(例如地面上有好多一個個小圓塊,係可以拎出嚟,裡面都污糟㗎!)仲有整個場地嘅地面有好多小梯級,一不留神都容易會跌親!

近窗邊有一個好大既圓形休憩位置,貌似俾家長坐喺度睇住自己小朋友玩,但係其實所有小朋友都會走入去玩。但係呢個場都幾啱玩伏匿匿,因為有幾多暗位!兩個傻豬就玩匿埋但係凸哂對腳出嚟,一眼就睇到haha~之後好多小朋友見我哋咁開心仲加入埋同我哋一齊玩!

而且呢度都有好多小裝置,細心行埋去玩吓又幾得意喎! 睇吓哥哥同妹妹個樣扭曲哂幾攪笑,佢哋自己都笑咗出嚟!好快就過咗45分鐘,我哋離開咗遊戲室,都往上層參觀一下!

上一層1/F係體育館,再往2/F係一條室內緩步跑道,真係打風落雨都冇藉口話唔跑。緩跑徑門口可以睇到開放時間,入場跑之前要在門口登記(不過唔登記都得, 都係自律Mode!)佢哋兩個見有咁多哥哥姐姐喺度跑,自己都興起跑咗兩個圈!

體育館內環境都好靚, 有好多充滿色的設計, 尤其係呢一副壁畫, 媽咪話見到介紹係展出坑口以前原貌的畫。最後我哋就離開體育館,喺外面公園再玩咗一陣就番屋企lu…好完滿。

周末好去處 : 體育館內展示坑口璧畫

周末好去處 : 坑口體育館 兒童遊戲室開放時間

♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠
呀劍評分: 8分
呀劍評語: 咁多個康文署轄下兒童遊戲室,呢度都算乾淨企理有特色!大熱天時入嚟避一避都係必然之選!
坑口體育館 兒童遊戲室 :
位於將軍澳培成路38號西貢將軍澳政府綜合大樓1樓(坑口體育館)的兒童遊戲室,提供一個高質素而免費的室內遊樂地點。坑口體育館兒童遊戲室以奇妙水世界為主題,室內地上和牆壁均舖著軟墊,可讓兒童遊玩,尤其適合年紀較少的嬰孩在一個安全的環境中活動。遊戲室面積達226平方米,設有不同的遊樂設施,如海洋生物造型的軟墊積木、布藝兒童故事書、潛望鏡和靜態閱讀區等,全時間提供空調,每一小時十五分為一節,中間設有清潔時間。
地址:將軍澳培成路38號西貢將軍澳政府綜合大樓1樓
費用:免費入場
電話:2623 5928

About author

呀劍萬帥 Kimfamilytravel
呀劍萬帥 Kimfamilytravel 7 posts

常聽說朋友跟子女在假期出國旅遊而不留港,其實香港都有許多適合一家大細的地方遊玩,不如參考【呀劍萬帥】打造你跟小朋友的一個親子旅程! 我不是甚麼旅遊達人,寫的也不夠全面,只希望跟大家分享一點點心得!Instagram: kimfamilytravel / www.facebook.com/kimfamilytravel

You might also like

親子好去處

Easy Organic Farming 綠學基地 十萬尺大草地

Easy Organic Farming(碧翠有機耕種有限公司)致力於提供給現代人既簡便又有趣的方法,去體驗農耕的樂趣。我們希望以新穎的概念和系統化的商品,不僅能在趣味、健康、綠化或親子等方面令用家得到裨益,並且在保護環境上能為地球出一分力。

親子好去處

父親節與爸爸一起坐摩天輪翱翔天際【6月18日】

6月18日父親節 – 爸爸可享免費坐摩天輪 父親節是與家人同享美好時光的好機會。繼今年五月推出母親節優惠,香港摩天輪會於父親節再次推出特別優惠,大家可與父親在香港摩天輪享受天倫之樂,以及欣賞維港兩岸美景。 子女凡於父親節當日與父親一起登上香港摩天輪,其父親便可獲免費普通車廂門票乙張。免費門票優惠只限於2017年6月18日(星期日)一天適用。 香港摩天輪營業及收費: 成人門票每張100元 香港本地學生及3-12歲兒童門票每張70元 長者及殘疾人士門票每張50元 3歲以下兒童免費入場 香港摩天輪的營業時間為星期一至星期日及公眾假期,上午10時至晚上11時。      

親子好去處

Happy Family Outing親子投稿!!!

與小朋友出外跑跑跳跳,出一身熱汗絕對是幸福快樂事!喜愛與孩子”通山跑”、”通處玩”的父母,何不將你們的美好親子玩樂時光寫成文章,加上開心搞笑熱鬧照片哈哈~~~與眾爸爸媽媽互相交流、分享、齊齊跟住去玩,多樂趣!被刊登出來的話,更會成為你一家的美好珍貴回憶!