好玩輕鐵遊 ‧ 迷你「挪亞方舟」+石灘尋蜆

好玩輕鐵遊 ‧ 迷你「挪亞方舟」+石灘尋蜆

今次剩係坐住架輕鐵,就帶住我哋一家去咗好多個地方, 先到老鼠洲兒童遊樂場, 然後屯門碼頭, 再行過蝴蠂灣泳灘, 最後到湖山單車公園同屯門交通安全城, 好充實!

周末好去處 : 親子輕鐵遊

周末好去處 : 迷你「挪亞方舟」

周末好去處 : 挪亞方舟造型遊樂設施

周末好去處 : 挪亞方舟造型遊樂設施

周末好去處 : 老鼠洲兒童遊樂場

周末好去處 : 蝴蝶灣公園石灘

周末好去處 : 親子石灘尋硯


我哋先在水邊圍輕鐵站起步 Hysan同芊芊輪流踩住scooter行去輕鐵站, 乘搭614往屯門碼頭方向, 其實連坐輕鐵小朋友都當係景點之一, 搭咗差唔多15-20分鐘到就到咗兆麟站啦在兆麟站落車之後, 沿行人天橋行過對面, 向前行2分鐘就見到老鼠洲兒童遊樂場!

公園唔算大, 但係最特別係架船造型既遊玩設施! 企喺船頭影相既時侯其實都幾似係去咗挪亞方舟架!

裡面設施以外的地方都幾好走, 唔會話太驚小朋友撞到, 呢度既設施都比一般公園較為特別, 剩係講爬嚟爬去既設施都好唔同!裡面有兩個大木桶造型既地方(好似叮噹既大水管咁), 用嚟玩”躲貓貓”(捉衣因)都幾正! 呀妹周圍行玩暈咁多樣嘢!哥哥行咗去船邊落唔番嚟….

我哋玩完之後跟住都差唔多兩點, 哥哥突然話好肚痛, 突然之間我都唔知去邊度搵厠所咁啱聽到人講話呢度有大快活, 所以我哋就一齊入去屋苑內的大快活, 順便食下午茶! 俾小朋友去吓厠所嘆吓冷氣!

跟住我哋就行番出去兆麟站搭614, 本來打算先去湖山公園然後去屯門碼頭睇日落, 但係侄仔係飛機迷, 想即刻去睇飛機降落, 所以我改咗先去屯門碼頭,我哋沿住碼頭一路行,去到蝴蝶灣公園,見到有個石灘, 好多人喺度掘蜆, 我哋就走埋去睇! 不過始終都唔夠貝澳個D專掘蜆的地方, 有D污糟, 所以我哋望吓就走!

跟住前面有個用好多大石頭堆砌的路, 我同Hysan就試吓行過去, 咁又可以當係一個遊玩景點喇! 行起上嚟都幾遠架, 不過佢慢慢行都行到過去! 如果落雨天就唔好啦, 會容易跣親!

呀劍評分: 8分
呀劍評語: 每一個地點唔算係D咩好特別既地方, 但係用輕鐵將每一個地方串連埋一齊! 就覺得好完整好特別! 除咗在每個地方玩之外, 坐輕鐵都變咗係其中一個玩點!

♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠♠
地址:
老鼠洲兒童遊樂場
屯門鄉事會路與海榮路交界 輕鐵兆麟站或三聖站步行若5分鐘
屯門碼頭
蝴蝶灣東面、海翠花園對出
湖山遊樂場/單車公園
屯門湖山路
輕鐵兆禧站步行若10分鐘
2463 7597

About author

呀劍萬帥 Kimfamilytravel
呀劍萬帥 Kimfamilytravel 7 posts

常聽說朋友跟子女在假期出國旅遊而不留港,其實香港都有許多適合一家大細的地方遊玩,不如參考【呀劍萬帥】打造你跟小朋友的一個親子旅程! 我不是甚麼旅遊達人,寫的也不夠全面,只希望跟大家分享一點點心得!Instagram: kimfamilytravel / www.facebook.com/kimfamilytravel

You might also like

親子好去處

5個小朋友Happy去宿營

我地由太古出發,坐地鐡去坑口,再坐小巴去西貢,去到西貢仲要轉多一次小巴入北潭涌,都差不多要坐1.5小時車,如果自己有車,BOOK宿營是有得免費泊車!今次約埋小銀一家,佢地就是住4人房啦,啲床大少少!4個小朋友真係好熱鬧!一齊唱 “5 Little Monkeys  Jumping on the bed”!

親子好去處

雪糕大滿灌 Scoop and Slam@樂富廣場 【7月12日- 8月27日】

「雪糕月」免費任玩任食雪糕, 1984年起美國總統將每年7月定為「雪糕月」,至今已有三十多年歷史,絕對是雪糕迷最喜愛的開心節日! 今個暑假,領展會免費請你任玩任食雪糕,顧客只需到領展樂富廣場挑戰以雪糕為主題的巨型籃球九宮格遊戲及奇趣跳「糕」機,即有機會免費獲贈雪糕球一個,最多可獲贈五球雪糕!

親子好去處

行山+農莊+展館+趁墟「獅子會」親子遊

我哋一家今次去親親大自然 — 獅子會自然教育中心。我哋搭港鐵去到彩虹C2出口轉1A專線小巴大約15分鐘就到。其實大家可以於北港巴士站落, 但係我哋揀咗喺車路入口,步行5分鐘到達停車場。