做牛做馬‧玩轉上水農莊

做牛做馬‧玩轉上水農莊

難得考完試,當然要幫小朋友搵下活動,跟同班同學仔一齊玩下、輕鬆下就最好! 經過一輪提議及投票下,大家就選了上水假日農莊。因為我們人多,就一次過訂埋燒烤包,玩完就有得食,唔需要四圍搵位,幾好呀! 當日一家人去到上水火車站就坐的士入,好方便!知道要等的人多,為免麻煩,大家就相約在農場內等,可以邊玩邊等嘛哈哈!果然人未齊,班馬騮已急不及待地到處尋「玩」 ,連一張小小的吊床都唔放過!

周末好去處:上水假日農莊

人齊後,我們就先安頓好燒烤爐、放底物品,就去玩啦!先餵下免仔。有隻免免一見妹妹手上有食物,即刻企起身,兩隻小手按上欄,情深款款咁,好可愛!當然也逗得妹妹好開心啦!

周末好去處:上水假日農莊,有得餵小動物呀

小朋友真係好易滿足、玩下石磨、攀下鐵架,已夠消磨一段時間!

周末好去處:上水假日農莊,玩石磨、攀鐵架

行入農場小小,就有一些工作坊可參與如教整包包和小手工,但因為時間唔夾,我地就無玩咯!但再行入小小,便見一片大草地,小朋友可以扮哂嘢做個小農夫,耕下田、抽下水哈哈~~ 原來個個小朋友都喜歡做牛牛,大家都爭拉呢架車!

周末好去處 : 做個小農夫周末好去處 : 兒童人力手拉車

呢個韆鞦看似普通,但就吸引好多小朋友爭住玩好唔明> < 妹妹咁大膽玩,難為爸爸仲驚過佢!還有這個「拋波波」的地方,意想不到的是班細路居然可以在這裡玩足兩個鐘> <

周末好去處 : 上水農莊簡約韆鞦 + 拋波波遊戲 周末好去處 : 上水假日農莊

玩到四、五點,都是時候回家啦!原來沿農莊另一邊就可以行出去上水火車站,大約要行15分鐘沿途有些小魚塘,小朋友見到,好好奇又看一番!可能今次是跟同班同學仔一起來,所以大家都玩得特別開心!雖則難為爸爸要做跟得阿四,追住班細路周圍走……不過,就追得好開心囉,簡直係做牛做馬都無問題哈哈! Angle媽媽

 一家備忘: 
1. 到農場玩,除了要帶備蚊水、蚊膏及穿著通爽/薄身的長褲或短褲外,最好為孩子準備多一套衣服更換;當小朋友玩得投入、大汗淋漓、污污穢穢時,這些裝備好有用。
2. 農場內售賣食物的店子外張貼了一些電召的士的聯絡,離開時可以call 的士。不過call的士後要預早小小在入口等,皆因有機會會被其他人捷足先登(的士)
3. 除了可以玩農耕體驗場、翻土、灌溉、打水及餵飼小動物外,農場內還有不少 不定時的活動/工作坊,如創意焗麵包、稻草人扎作、小木頭相架設計、環保紙工藝、自製意大利全蛋拉麵 及釣魚等等。出發前可先致電查詢。(詳情)
 
 交通:
上水假日農莊 www.holidayfarm.hk
# 日營:每位收費$80 ※(必須預約) ※
# 黃昏燒烤營:每位收費$140 (包括日營活動及燒烤) 
# 原野生活探索營: (二日一夜):每位收費$350(包括導師費、營費、燒烤) 
#上水火車站轉乘的士,車程約十分鐘,車費約$40
#駕車的話由上水到農場行車時間約十分鐘,沿途有路牌指示,可直達農場

 

About author

You might also like

親子好去處

領展T Town「仲夏同樂日」 以音樂連繋好生活 一起歡聚周末

  如果你平時放假多數喜歡行百貨公司的話,除了考慮旺角、尖沙咀等熱點之外,現在有另一個地區可以考慮。

親子好去處

「Cheers with DAD!啤酒工房」【即日至6月18日】

父親節將至,各位孝順仔女如何答謝平日辛勞工作的爸爸?外面天氣太熱, 走入冷氣地方舒服D。 新城市廣場特別呈獻「Cheers with DAD!啤酒工房」,近年興起的手工啤酒熱,可帶爸爸去探索製造「潮啤」的秘訣慶祝一番! 5月25日至6月18日期間,於新城市廣場三期一樓天幕長廊將打造成開放式精釀酒吧,誠邀子女帶同父親一同體驗把酒談心的窩心滋味。

親子好去處

今個復活節b.wing帶領大家踏上「漫遊糖果星際奇遇記」【即日至4月23日】

今個復活節,MCP新都城中心將帶領大家踏上夢幻甜美的星際探索之旅,齊齊為摯愛炮製一份甜蜜滋味滿瀉的驚喜禮物!商場將於4月1日至23日聯乘本地著名插畫師b.wing打造「漫遊糖果星際奇遇記」,大熱角色A仔將夥拍其好友Rosy首次以多個全新造型現身MCP新都城中心,並以太空人造型坐上奇幻太空船探索糖果星球,於七彩糖果森林尋找香甜度爆燈的糖果材料,更破天荒登入實驗室為新朋友MCP仔組裝成復活節別注版之MCP機械萌雞!