做牛做馬‧玩轉上水農莊

做牛做馬‧玩轉上水農莊

難得考完試,當然要幫小朋友搵下活動,跟同班同學仔一齊玩下、輕鬆下就最好! 經過一輪提議及投票下,大家就選了上水假日農莊。因為我們人多,就一次過訂埋燒烤包,玩完就有得食,唔需要四圍搵位,幾好呀! 當日一家人去到上水火車站就坐的士入,好方便!知道要等的人多,為免麻煩,大家就相約在農場內等,可以邊玩邊等嘛哈哈!果然人未齊,班馬騮已急不及待地到處尋「玩」 ,連一張小小的吊床都唔放過!

周末好去處:上水假日農莊

人齊後,我們就先安頓好燒烤爐、放底物品,就去玩啦!先餵下免仔。有隻免免一見妹妹手上有食物,即刻企起身,兩隻小手按上欄,情深款款咁,好可愛!當然也逗得妹妹好開心啦!

周末好去處:上水假日農莊,有得餵小動物呀

小朋友真係好易滿足、玩下石磨、攀下鐵架,已夠消磨一段時間!

周末好去處:上水假日農莊,玩石磨、攀鐵架

行入農場小小,就有一些工作坊可參與如教整包包和小手工,但因為時間唔夾,我地就無玩咯!但再行入小小,便見一片大草地,小朋友可以扮哂嘢做個小農夫,耕下田、抽下水哈哈~~ 原來個個小朋友都喜歡做牛牛,大家都爭拉呢架車!

周末好去處 : 做個小農夫周末好去處 : 兒童人力手拉車

呢個韆鞦看似普通,但就吸引好多小朋友爭住玩好唔明> < 妹妹咁大膽玩,難為爸爸仲驚過佢!還有這個「拋波波」的地方,意想不到的是班細路居然可以在這裡玩足兩個鐘> <

周末好去處 : 上水農莊簡約韆鞦 + 拋波波遊戲 周末好去處 : 上水假日農莊

玩到四、五點,都是時候回家啦!原來沿農莊另一邊就可以行出去上水火車站,大約要行15分鐘沿途有些小魚塘,小朋友見到,好好奇又看一番!可能今次是跟同班同學仔一起來,所以大家都玩得特別開心!雖則難為爸爸要做跟得阿四,追住班細路周圍走……不過,就追得好開心囉,簡直係做牛做馬都無問題哈哈! Angle媽媽

 一家備忘: 
1. 到農場玩,除了要帶備蚊水、蚊膏及穿著通爽/薄身的長褲或短褲外,最好為孩子準備多一套衣服更換;當小朋友玩得投入、大汗淋漓、污污穢穢時,這些裝備好有用。
2. 農場內售賣食物的店子外張貼了一些電召的士的聯絡,離開時可以call 的士。不過call的士後要預早小小在入口等,皆因有機會會被其他人捷足先登(的士)
3. 除了可以玩農耕體驗場、翻土、灌溉、打水及餵飼小動物外,農場內還有不少 不定時的活動/工作坊,如創意焗麵包、稻草人扎作、小木頭相架設計、環保紙工藝、自製意大利全蛋拉麵 及釣魚等等。出發前可先致電查詢。(詳情)
 
 交通:
上水假日農莊 www.holidayfarm.hk
# 日營:每位收費$80 ※(必須預約) ※
# 黃昏燒烤營:每位收費$140 (包括日營活動及燒烤) 
# 原野生活探索營: (二日一夜):每位收費$350(包括導師費、營費、燒烤) 
#上水火車站轉乘的士,車程約十分鐘,車費約$40
#駕車的話由上水到農場行車時間約十分鐘,沿途有路牌指示,可直達農場

 

0

About author

You might also like

親子好去處

去坑口→避暑「兒童遊戲室」‧ 玩埋「親子緩步跑」

在陽光曬得正盛的時候,帶小朋友去室內遊樂場玩也是good idea!今日我哋就嚟到坑口體育館嘅兒童遊戲室玩!香港康文署喺每區甚至長洲都有兒童遊戲室,但係好玩又企理嘅唔算好多!我哋搭地鐵嚟到坑口站B出口

親子好去處

全港唯一樂高城市現身太古城《Cities of Wonders》【至7月16日】

繼新加坡及馬來西亞後,樂高《Cities of Wonders》終於來到香港喇!全港唯一樂高城市大型遊樂場今日正式登陸太古城中心,歡迎小朋友和家長一齊來大顯身手!由6月16日起至7月16日,LEGO ®與太古城中心呈獻《Cities of Wonders》,一座由LEGO®砌成的都市,由小朋友全權話事,讓小朋友化身「Happiness Builder–快樂建築師」,運用創意,拼砌出「你」想都市! 

親子好去處

父親節與爸爸一起坐摩天輪翱翔天際【6月18日】

6月18日父親節 – 爸爸可享免費坐摩天輪 父親節是與家人同享美好時光的好機會。繼今年五月推出母親節優惠,香港摩天輪會於父親節再次推出特別優惠,大家可與父親在香港摩天輪享受天倫之樂,以及欣賞維港兩岸美景。 子女凡於父親節當日與父親一起登上香港摩天輪,其父親便可獲免費普通車廂門票乙張。免費門票優惠只限於2017年6月18日(星期日)一天適用。 香港摩天輪營業及收費: 成人門票每張100元 香港本地學生及3-12歲兒童門票每張70元 長者及殘疾人士門票每張50元 3歲以下兒童免費入場 香港摩天輪的營業時間為星期一至星期日及公眾假期,上午10時至晚上11時。      

4 Comments

  1. Do you mind if I quote a few of your articles as long as I provide credit and sources back to your webpage? My website is in the very same niche as yours and my users would truly benefit from a lot of the information you provide here. Please let me know if this ok with you. Regards!
  2. nap gunpow
    December 05, 02:11 Reply
    Hi, i think that i saw you visited my weblog thus i came to “return the favor”.I'm attempting to find things to improve my site!I suppose its ok to use a few of your ideas!!

Leave a Reply