愉景灣‧「由笑到喊」開心遊樂

愉景灣‧「由笑到喊」開心遊樂

今日帶大頭妹同小丸子入愉景灣,真係好鍾意愉景灣休閒的氣氛,每次入去都覺得好舒服,享受一下渡假感覺!今次入去的重點是愉景北商埸新開的全港最大 playhouse Discoveryland,原本仲想帶大頭妹同小丸子去坐馬車,不過是日天雨,無得坐馬車呢!
周末好去處 : 玩入愉景灣Playhouse Discoveryland
去到愉景灣碼頭坐 shuttle 去愉景北商場,上次行經愉景北商場時,知道呢邊有幾間餐廳,所以專登過嚟食,唔係我又去番朗朗媽介紹的 「Zaks 」架啦﹗「JASPAS」有 kids menu,又喺playhouse旁邊,我就揀咗呢間!大頭妹就不停問我可唔可以去玩先﹗哈哈﹗當然要開餐先,媽媽我早餐都未食!
周末好去處 : 愉景灣 JASPAS, 有埋Kids Menu
一坐低侍應就比咗啲畫筆同 kids menu大頭妹畫畫啦。大個囡啦!識自己睇 menu,自己圈起自己識的字,之後同我講佢要食 hot dog﹗先叫一個 kids meal,熱狗加薯條,仲有一杯果汁,大頭妹揀 apple juice。怪獸家長上身…我想話愉景灣真係比小朋友練習英文的好地方,我叫大頭妹自己同外籍侍應 order架,唔係就無得飲蘋果汁啦!特別推介Tom Yum Beef Salad,好有驚喜,個汁是帶 tom yum味 (睇個名都知啦)﹗酸酸辣辣幾開胃。
周末好去處 : 愉景灣 JASPAS, Kids Meal周末好去處 : 愉景灣 JASPAS, Tom Yum Beef Salard
食完就急不及待去 Discoveryland 玩啦!﹗嘩嘩嘩!之前就係睇到人地話佢係全香港最大 playhouse,所以就打算帶 2個囡入去玩下,但真係無諗過咁大,樓底超高,而且呢度有攀石/ air trek 等等 facilities,連大人都岩玩,我預佢地玩 2個鐘,小朋友有無盡的體力,佢地玩得唔係好夠喉,唔肯走!所以下次再去起碼要預 4個鐘,一早入去玩完一轉先食 lunch,食完 lunch 再玩就差唔多﹗

一開始先去跳舞區之後再去兒童區,我見呢度的 facility 同出面的 playhouse好唔同,上 website 睇返,佢地都是由加拿大入口﹗!
周末好去處 : 愉景灣 Discoveryland, 跳舞區 + 兒童區
咁高玩平衡?嘩!哈哈…我地今次無玩,唔夠時間呀!仲有全港室內最長的滑梯,不過大頭妹唔夠膽玩,小丸子話要玩,不過佢又未夠高玩﹗!
周末好去處 : 愉景灣 Discoveryland, 全港室內最長滑梯
之後去玩射波波﹗最後去玩彈床!爸爸阿旺最後都去咗玩攀石!好開心!
周末好去處 : 愉景灣 Discoveryland, 射波波, 彈床, 成人攀石都有得玩
小插曲:
話說大頭妹一向守規矩,小丸子一向無視規矩!小丸子行出馬路等車,我地見愉景灣少車好安全,又無特別要即刻拉返小丸子入行人路,之後大頭妹就大喊,佢話好驚啲車會車偏小丸子,要我地拉返妹妹上行人路﹗喊到青根都現埋﹗另一邊…小丸子…完全無反應haha~~~家姐真係好愛錫細妹:)

周末好去處 : 愉景灣 Discoveryland, 親子遊

傻夫婦﹑大頭妹與小丸子
http://athena-joe.blogspot.hk/

一家備忘  
1. 場內有小食部,小朋友玩的時候,家長可以坐下,飲下食下休息下﹗另外,Discoveryland 對面亦有惠康超級市埸,選擇更多。
2.  買了 Discoveryland 的日票,是可以全日自由出入,所以最好預留足夠的時間玩。
3.  雖然場內有好多工作人員,不過亦有唔少可以爬高的設施,例如: 全港室內最長的滑梯,家長一定要睇實小朋友呀!
 交通備忘 
由2014年10月起,的士可以直接駛入愉景灣北的愉景灣酒店,交通上多一樣選擇﹗
如果選擇坐船,愉景灣部份的餐廳有優惠,每惠顧 $100,可以換船飛一張,變相即是 7折﹗不過有時間限制,大家要留意啦!
 
周末好去處 : 愉景灣 Discoveryland, 室內Air Trek周末好去處 : 愉景灣 Discoveryland, 兒童攀石
 Discoveryland 
地址:
海澄湖畔路96 號愉景北商場31號地下

查詢:2441 0098
詳情: http://discoverylandhk.com/
星期一至五 (公眾假期除外): 
小朋友 (1-12歲) HK$148/位 (包一大人,其後每位大人 $50)
成人 (13歲或以上) HK$168/位
星期六﹑日及公眾假期: 
小朋友 (1-12歲) HK$188/位 (包一大人)
成人 (13歲或以上) HK$200/位 

 

About author

You might also like

親子好去處

好玩輕鐵遊 ‧ 迷你「挪亞方舟」+石灘尋蜆

今次剩係坐住架輕鐵,就帶住我哋一家去咗好多個地方, 先到老鼠洲兒童遊樂場, 然後屯門碼頭, 再行過蝴蠂灣泳灘, 最後到湖山單車公園同屯門交通安全城, 好充實!

親子好去處

親子玩轉「傳統圍村工作坊」

大自然之行從來都係呀劍一家最喜歡的活動,今次仲可以喺圍村製作傳統小食就更加開心!我哋在元朗西鐵站下底乘搭B1巴士往落馬洲,等齊人之後Mike就帶我哋入去圍村,

親子好去處

兩仔爺‧開心博物館之旅

今天難得爸爸話要同兩個細路出去行下,但就唔想曬又唔要多人……真難Wor~~上網找找資料,看來沙田香港文化博物館中的「兒童認知館」也不錯,應該可以去玩下,好!就決定去!