5大「涼快」親子好去處

5大「涼快」親子好去處

暑假還有成個月,天氣又愈來愈熱,帶小朋友去”邊處玩”都要三思哈哈~~要好玩又涼快,當然要動動腦筋!我們特別精選5大好玩又涼快的親子好去處,可以讓小朋友盡情「放電」之餘,又不怕「曬到中暑」,家長就樂得輕鬆啦!

周末好去處 : 石澗郊遊活動周末好去處 : 西貢石澗玩水之旅
 涼浸浸.石澗玩水之旅 
涼快賣點:流水瀑布+沿路玩水
夏天咁熱,提起郊遊遠足好多人都怕怕。但其實天朗氣清,是欣賞風景及一家大細影靚相的絕好時機!怕「曬到中暑」?可以走進石澗叢林,聆聽潺潺流水聲,感受瀑布沖擊帶來的陣陣涼意,赤腳踏在水中的清涼快感,小朋友一定超開心!「SAT登毅戶外培訓中心」將舉辦涼浸浸石澗郊遊活動(西貢),遠足+玩水,爽!

親子Tips
1.除了帶備一般防曬防蚊用品外,爸爸媽媽記得幫小朋友帶多兩件替換衣服,咁就可以放心玩水啦。
2.西貢是出名食海鮮勝地,行完餓餓地,時間又不太夜的話,不妨到附近吹住海風食海鮮,食得特別滋味呀!
3.石澗遠足時間較長,路較崎嶇,故適合年紀較大的小朋友。若孩子年紀小,也想涼快地親親大自然,可選擇夜遊的「螢火蟲生態導賞」活動。8月15日的團仍接受報名呢,按此查看詳情。

SAT登毅戶外培訓中心周末好去處 : 西貢雙鹿石澗 周末好去處 : 西貢雙鹿石澗   「石澗挑戰之旅」(詳情)
日期:2015年8月21日 (五)
地點:雙鹿石澗
地區:西貢郊野公園
查詢電話:5611 5701
詳情:www.facebook.com/sathk
 

 全天候冷氣開放「沙灘」
涼快賣點:室內玩沙+充氣遊戲
周末好去處 : 室內沙灘派對場 周末好去處 : 室內沙灘場泡泡足球
想玩沙又唔想曬,位於觀塘的室內沙灘派對場就最啱了。整個場地近4000呎,特設兒童沙灘樂園,配備各類沙灘玩具、飛碟、足球等,小朋友可以自由玩沙、砌沙、“滾地沙”。除了沙灘,場內仲有大量充氣遊戲、桌上足球機、各類Game card,仲有近年大熱的泡泡足球(備有超可愛迷你版)等等,大人細路都啱玩!玩累了,還可以到休息室的吊椅上坐下,非常舒適。場內更設有淋浴設施,玩到周身沙都唔驚啦。

親子Tips
1. 星期一至五去玩兒童沙灘樂園就最抵,只需$130(包一位12歲及以下小童和一位成人陪玩),就可以由中午12點玩到下午6點,玩足六個鐘!星期六、日及公眾假期就可book “Party Package”,三歲以下小孩半價,手抱嬰兒免費。
2. 暑假比較多人去玩,爸爸媽媽記得光顧前先打電話確定預約情況,咁就玩得更加開心又放心啦!

香港室內沙灘Sand House HK周末好去處 : 室內沙灘派對場周末好去處 : 室內沙灘派對場休息室
地址:觀塘開源道77號業發工業大廈一期6樓D室
#由觀塘地鐵站B3出口步行1分鐘就到
查詢電話:5593-9711
詳情:www.sandhousehk.com
 

 遊戲‧閱讀‧雙贏玩樂 
涼快賣點:遊戲室+圖書館+遊樂場
周末好去處 : 調景嶺體育館兒童遊戲室 周末好去處 : 調景嶺體育館兒童遊戲室 周末好去處 : 調景嶺體育館兒童遊戲室周末好去處 : 調景嶺體育館圖書館
不想濕身,又想玩得涼快,同時又想小朋友有時候靜下來看看書,陶冶性情;那麼位於「調景嶺體育館」內的兒童遊戲室就最值得推介,皆因它夠新(今年4月才啟用)、夠大(佔地超過2600呎)、鄰近夠多配套設施(泳池、單車館、公園),安排一家人活動不用煩惱呢!此室內遊戲室以海底世界為主題,小朋友可以自由在大型潛水艇和海底洞穴穿梭及攀爬,場內四周亦有較小型的設施供嬰幼兒玩樂一番。

玩到夠,便可以到與體育館連接的圖書館去看看書。調景嶺體育館今年7月才正式開放,兒童圖書館以森林蘑菇造型設計非常可愛,那裡還定期舉辦親子活動,一家人玩完又可以學下野,非常充實呢!
周末好去處 : 調景嶺體育館親子兒童遊戲室
親子Tips
1. 兒童遊戲室主要予9歲及以下和身高不超過142厘米的兒童免費使用;未夠4歲的小朋友就要有家長或監護人陪同。遊戲室有分時段,且有人數限制,所以最好預早排隊。
2. 玩完室內遊戲,若天氣不太熱,還可以到二樓的戶外兒童遊樂場再玩過,有不同的攀爬設施及滑梯等,小朋友可以盡情「放電」。
3. 不妨預早book定體育館內的羽毛球場或乒乓球室等,一家人運動下,非常有益身心。
4. 與體育館相隔約15分鐘路程的是「單車館」,裡面也有兒童遊戲室,活動空間近3000呎,有很多跟車有關的佈置和遊戲,男孩子實LIKE!

調景嶺體育館周末好去處 : 調景嶺體育館親子兒童遊戲室
地址:將軍澳翠嶺路2號
#調景嶺站A出口步行至體育館約需時5分鐘
查詢電話:2481 5033
詳情:www.lcsd.gov.hk
鳴謝:杏仁媽媽blog提供部份相片
 
 

 小朋友 · 貓貓同樂日  
涼快賣點:22隻貓貓+凍飲+雪糕
周末好去處 : 貓之茶房 周末好去處 : 貓之茶房 可愛貓咪
夏日熱辣辣,飲杯凍飲品或食個雪糕就最消暑寫意哈哈~~小朋友最Like!如果仲可以同貓貓玩下、相處互動下,對小朋友來說也是很好的學習呢!位於荃灣的「貓之茶房」就收養了22隻貓貓,店面積約1600呎,提供寛敞活動空間給貓貓和來光顧之客人。望住貓咪可愛萌樣,心裡都融化了。快去逗下貓咪、同貓咪拍個照吧,小朋友實開心到暈!

親子Tips
1. 開店時間為星期一至星期日1:30 pm – 11:00 pm(全年無休),放假時或放工後一家人輕鬆下都非常適合啊!周末好去處 : 貓之茶房 逗逗可愛貓咪
2. 收費為每小時每人$60包一杯飲品,其後每小時半價$30;星期一至星期五(公眾假期除外)憑學生證優惠價$50一小時,其後每小時半價$30,所以爸爸媽媽記得幫小朋友帶埋學生證去啦!
3. 店內有22隻貓貓陪大家玩,但就唔可以帶自家貓貓進店內哦!
4. 店內貼有領養版,定期更新貓貓領養資訊,爸爸媽媽可藉此教育小朋友珍惜和愛護小動物呢。

「貓之茶房」周末好去處 : 貓之茶房室內環境
地址:荃灣大河道45號樹勳樓1樓
#荃灣地鐵站A1出口,往荃新天地方向天橋,行大概3分鐘
查詢電話:2149 6261
詳情:www.facebook.com/thecatstearoom
 
 
 

 4合1‧嘆住游水  
涼快賣點:室內外游泳池+暖水按摩池+水上遊戲
要盡情涼快當然游水就最好!香港有43個公眾游泳池,但同時建有室內和戶外池,又有大型水上遊戲設施(如長滑梯)及兒童嬉水池,還有深受歡迎的水力按摩池的,就非位於沙田大圍的「顯田游泳池」莫屬了!家長可帶小朋友玩盡戶外嬉水設施,包括蘑菇瀑布、水槍、大型及小型滑梯、跳躍噴泉等。如天氣太熱,可到室內池避避暑,玩累了還可到暖水按摩池享受一下舒適的水力按摩,疲勞盡消呢!爽!
周末好去處 : 沙田大圍「顯田游泳池」
親子Tips
1. 泳池開放時間為每日6:30am-10pm,但要留意有三段時間會暫停開放:12pm-1pm、6:30pm-7:30pm及逢周四大清潔周末好去處 :「屋子咖啡 Uchi Coffee」燕麥榛子梳乎里日只會在晚上7:30後開放。周末好去處 :「屋子咖啡 Uchi Coffee」小倉抹茶窩夫
2. 去「顯田」交通雖不算十分便利,但也因這緣故,人流相對較少呢。花多一點時間,換來不用同人迫,可以舒舒服服游下水,享受親子時光,值得!
3.游完水實好肚餓,一定要去大圍站附近的「屋子咖啡 Uchi Coffee」填肚。呢間係Openrice得獎食店之一,接近95%好評,主打日式便當及特色甜品,重點推介燕麥榛子梳乎里及小倉抹茶窩夫,好想食呀~~!

顯田游泳池
地址:沙田大圍車公廟路68號
#由港鐵大圍站F出口步行到顯田游泳池,步行約需20分鐘
#由大圍站B出口走到公共運輸交匯處,乘搭新界專綫小巴803K線
查詢電話:2607 3423/2634 0111
詳情:www.lcsd.gov.hk

 

About author

You might also like

親子好去處

驚喜之旅~騎馬騎到「鯉魚門」

前些時候,女兒同學的媽媽提議,待孩子測驗週完結後一起到「鯉魚門公園及渡假村」參加日營,輕鬆一下。其實對所謂渡假村的印象一直停留在學生時代的旅行,大班同學走到那裡無所事事地過一天。但想到小女兒才升上新學校,應該要跟同學們聯誼一下,加上努力溫習後到大自然走走,減減壓也是一個不錯的提議,也就爽脆應承了。

親子好去處

親子假日好去處,滿足小孩三個願望!

新年假期又到啦!每逢新年都有好多日假放,小朋友願望又多,都唔知帶佢地去邊到玩好。今個新年有好介紹,保証小朋友樂而忘返,歡度新年!帶你嘅小朋友去香港迪士尼樂園,就可以同時滿足佢地三個願望啦!

親子好去處

變形金剛終極現身屯門市廣場

柯柏文對決大黃蜂巨型裝置全港首曝光 萌爆小鬼角色架勢登場 今個暑假,屯門市廣場將與荷里活重頭巨片「變形金剛:終極戰士」合作,聯手打造「變形金剛終極現身屯門市廣場」,將最新電影元素一一帶到場內,包括打造話題情節「柯柏文(Optimus Prime)決戰大黃蜂(Bumblebee)」巨型立體裝置,讓粉絲們現場感受激戰震撼!而電影新角色小鬼(Sqweeks)更會首次於香港萌爆登場,與粉絲們大拍萌照!