鄉下妹出城‧九龍公園趣玩記

鄉下妹出城‧九龍公園趣玩記

家住上水,所以好少帶小朋友「出城」haha~~我係鄉下妹:)九龍、港島區的玩樂點都好少去。今日難得哥哥要去九龍公園附近考試,就帶埋妹妹去公園玩下la!


周末好去處 : 九龍公園趣玩記
在九龍公園體育館那邊就有間M 記,哥哥12點幾考完試,就當獎勵在那裡食個午餐啦!食飽飽後,就過隔離的遊樂場玩,這個遊樂場都幾大,2隻馬騮一入到去已不見踪影,結果足足玩了成個半鐘!個公園咁大,當然要遊歷下其他地方!妹妹公主一見到個巨大城堡,當然要上去睇下有無王子la~~王子就找不到,反而就發現一台大炮,2隻馬騮四圍跑又擺下pose影下相、已夠樂趣haha~~
周末好去處 : 九龍公園城堡
離開城堡,前小小就有個百鳥園,當然要入去參觀下,哥哥妹妹都好有興趣,望下D雀鳥介紹牌,又探頭四處搵下雀仔haha~~~睇完雀仔又是小朋友的歡樂時光啦,行去 M記買杯雪糕,然後坐在湖邊食雪糕,一人一杯好滋味,望下雀仔望下風景,好開心wo~
周末好去處 : 九龍公園百鳥園
經哥哥研究張公園地圖後,就決定去……哥哥牽著我手行去文化博物館啦,好sweet!!!其實這個館不大,但館內有些小遊戲可以供小朋友玩,2隻馬騮當然積極投入~~去玩haha!原來這裡還有導賞團,時間長約1個鐘,難得有時間,當然跟埋去聽下!導賞員哥哥講得幾好wo!起碼班小朋友都好留心咁聽,讚!安靜過後,一走出博物館,2隻馬騮就來個迷宮狂跑,自問自己已是訓練有數的跟得阿媽,但始終~~「真係捉馬騮咁捉,捉都捉唔住」!
周末好去處 : 九龍公園文化博物館
玩到差不多四點鐘,都要歸家la! 但路經「功夫閣」時,好熱鬧噃!原來逢星期日都有人在這處表演,我咃去到時已經表演完畢,不過還有些哥哥姐姐”隨時候命”,教小朋友試下舞刀弄槍,有個舞林高手叔叔更耐心地教阿仔打下幾招haha~~好搞笑!今次鄉下媽出城都好大收穫呀!仔女玩得開心,我都好開心!!!
Angel媽媽
周末好去處 : 九龍公園, 晌功夫閣耍番幾招先
周末好去處 : 九龍公園, 晌功夫閣耍番幾招先

備註:
1. 公園內有不少草地、休憩處,可預先準備一些便當、小食,與小朋友齊齊席地而坐野餐,邊吃邊探索,小朋友會好開心!
2. 園內「文化博物館」的導賞員哥哥/姐姐說話有趣,更會不時發問,小朋友會爭相回答及發問,好互動,學到嘢,值得帶小朋友一去。
3. 若小朋友已是小學生,不妨鼓勵他們透過公園地圖去自己設計一天的玩樂路線,他們會好有滿足感。
4. 園內有蚊,帶備蚊怕水及蚊膏以防萬一。
周末好去處 : 九龍公園周末好去處 : 九龍公園, 文化博物館有導賞員解答疑問架
九龍公園
位於九龍尖沙咀中心,公共巴士及港鐵(尖沙咀港鐵站A1出口或佐敦港鐵站C1出口)均可到達。
公園開放時間: 上午5時至午夜12時
http://www.lcsd.gov.hk/tc/parks/kp/

About author

You might also like

親子好去處

親子玩轉「傳統圍村工作坊」

大自然之行從來都係呀劍一家最喜歡的活動,今次仲可以喺圍村製作傳統小食就更加開心!我哋在元朗西鐵站下底乘搭B1巴士往落馬洲,等齊人之後Mike就帶我哋入去圍村,

親子好去處

Mark 好日子‧免費玩「歷奇公園」

同哥哥上完畫班之後差唔多3點幾,就揀咗個容易去又短線既節目,就係「歷奇公園」喇!!!我哋約埋媽咪同芊芊喺元朗廣場等,然後一齊搭輕鐵615喺龍門站落車。「歷奇公園」定期每個月有一天星期日都會有免費攀牆體驗

親子好去處

黃埔新天地【你相SUMMER SHARE】潮玩放閃Share不停!

3D打印.動影.高速快拍         今個暑假,黃埔新天地將於8月5日至8月20日期間之週六日帶來【你相SUMMER SHARE】放閃瘋潮,讓喜愛開心Share的大人細路,打破單調沉悶自拍界限,跳入你「相」攝影世界,攝製專屬自己的3D迷你人像,走入高速連環動拍館,潮玩全城最Hit放閃玩意!​