準媽媽好消息 – 又一大型機構調整產假<Shell7月起增加至16周產假>

準媽媽好消息 – 又一大型機構調整產假<Shell7月起增加至16周產假>

好開心又多一間大型機構 – Shell香港蜆殼實施延長產假至16周。 媽媽生產後,無論身體及心理都需要休息及調理。而初生寶寶亦十分需要媽媽的照顧, 如媽媽產後可獲得公司的體諒, 容許有多一點時間在家休息真是非常窩心。


由渣打銀行於3月調整產假至20周及Shell亦於7月起增加產假至至16周, 可見大型機構也逐漸調整員工的福利, 員工有足夠時間休息痊癒, 不但可回復工作效能亦可提升對公司的忠誠度,產假放多幾周對準媽媽的確是一個好消息。

 

 

我們亦可了解一下其他國家政府對準媽媽的待遇又怎樣:

香港──放前4後6

有薪假期:10周  工資:80%(如月薪$20k,可得$40k)

香港媽媽產假規定要放前4後6(預產期前4星期開始放),好多媽媽會覺得產前放太耐、冇嘢做,產後得6星期休息又唔夠(講真BB得個半月大邊放得低㗎)。雖然喺公司同意之下,係可以改放前2後8,時間會見駛啲;但如果公司刻薄,逼住要早放都冇辦法。

最慘嘅係,香港媽媽竟然冇任何育嬰假、育兒津貼。咁辛苦,唔怪得越嚟越多人話唔生啦!


中國──生得多有著數

有薪假期:128天  工資:100%(如月薪$20k,可得$85k)

中國開放二孩政策後,亦延長咗產假,鼓勵媽媽多多生育,無論生第一胎定第二胎,都可以享有:98天基本產假 + 30天計生獎勵(即二孩以內)假 = 128天。此外,如果生多胞胎,每多一個可加15天,即係雙胞胎有143天,三胞胎有158天……香港樣樣都要跟,點解呢啲又唔跟吓?


日本──專心湊B

有薪假期:14周  工資:60%(如月薪$20k,可得$42k)

父或母可以申請一年無薪育嬰假,並有育兒津貼(半年工資50%)。不過現實中,日本文化覺得母親照顧仔女係天職,唔可以搵奶奶、外母幫手,加上日本職場對孕婦同在職媽媽普遍存在冷眼、不友善嘅態度,所以好多媽媽都係會劈炮唔撈,專心喺屋企相夫教子。


台灣──老豆都有得放

有薪假期:8周  工資:100%(如月薪$20k,可得$40k)

放完產假之後,父母可以輪流申請各半年有薪育嬰假(半年工資60%)及無薪育嬰假(合共2年),即係媽媽返工,爸爸就喺屋企湊B餵奶換片買餸煮飯洗衫拖地洗廁所,等啲死佬成日以為full-time mom好歎吖喇!

 

 

資料來源:

多謝Shell! 香港蜆殼7月起延長女員工有薪產假至16周

https://www.hk01.com/%E6%B8%AF%E8%81%9E/100767/%E5%A4%9A%E8%AC%9DShell-%E9%A6%99%E6%B8%AF%E8%9C%86%E6%AE%BC7%E6%9C%88%E8%B5%B7%E5%BB%B6%E9%95%B7%E5%A5%B3%E5%93%A1%E5%B7%A5%E6%9C%89%E8%96%AA%E7%94%A2%E5%81%87%E8%87%B316%E5%91%A8

渣打延長有薪產假至20周

http://hk.apple.nextmedia.com/news/art/20170321/19965092

各國媽媽有幾多有薪產假?香港得中國一半

https://hk.jobsdb.com/en-hk/articles/%E5%90%84%E5%9C%8B%E5%AA%BD%E5%AA%BD%E6%9C%89%E5%B9%BE%E5%A4%9A%E6%9C%89%E8%96%AA%E7%94%A2%E5%81%87

0

About author

You might also like

每日熱話

名校區小一學額爭崩頭

入讀名校非易事,在名校林立的九龍城四十一校網,有內地家長豪擲幾千萬元移居香港,遷入該區,希望子女成功入讀區內名校;另有雙非家長未能趕及政府煞停投資移民計畫前申請移居香港……

每日熱話

囡囡一歲生日 周杰倫晒一家三口合照

周杰倫(周董)同昆凌於14年拉埋天窗,翌年誕下囡囡「小周周」Hathaway,話咁快佢昨日已經1歲大啦!周董透過官方微博晒一家三口溫馨照……

每日熱話

郭晶晶孖老公囝囝出巡 霍啟剛一揪五……個袋

郭晶晶、霍啟剛同埋囝囝霍中曦,噚日傍晚6點15分左右,一家三口喺白健時道Market Place買嘢。初時見到郭晶晶好專心揀啲蔬菜……